Mumbai: Kollywood actor Saravanan, kun para koishe poila te tai para public bus te maiki khan ke thurishe tai ke Bigg Boss Tamil house para olaidishe.
Etu actor laga controversial comment maiki khan uporte manu khan para bishi kotha kurishe.Tai ke etu nimete bishi manu khan bhal laganai .Etu news twitter te confirm kurikena trade analyst Ramesh Bala likhishe , “#BREAKING : #Saravanan ke BiggBossTamil3 para hataishe dishe etu bi tai para maiki khan ke bus te noha kaam kura nimete tai juwan thaka time te.”
Ramesh Bala hi nohoikena analyst Kaushik LM koishe ,” Breaking : #Saravanan ke #BiggBossTamil3 para hataidsish tai laga controversial comment uporte .Etu toh ekta dangor decision thakishe #BiggBossTamil @vijaytelevision” laga .
Juwa haafta ekta special weekend episode te Saravanan para koishe tai college time te bus para berai thakishe maiki khan ke chuikena .Tai laga kotha hunikena singer Chinmayi Sripaada para bi condemn kurikena twitter te tai likhishe.
Tai koishe ki”Ekta tamil channel para ekta manu ke dikhaishe kun para bishi mondangor hoikena tai para Public transport system maiki khan ke biya kuribole nimete chula ase “.
Add Comment