Agencies, 14 April: Actor Pankaj Tripathi toh Bihar te ekta bosti te jonom powa manu ase. Tai para Patna osor ekta bosti te ekta film-friendly set-up bonabole interest ase. Tati Bollywood para shoot koribole paribo.
“Film-friendly ‘mohalla’ nahoile colony toh government para olop funding logote film panchayat bonabole chance ase koise. Area toh desh te sob filmbona khan urban setting scenes nemite shoot koribole maribo koribole paribo koise. Aro etu nemite tati laga manu khan para solid support system paikena besi motob pabole lakiya koise.
Actor bhabona hisab te, bosti manu khan films shot te junior artistes hisab te kaam koribole paribo, tai khan ke hekhai kena aro tai khan nemite income laga source hobole paribo.
Tripathi para local toh films te junior artistes hisab te crew laga part hobole paribo koise. Tai khan Meghalaya te Mawlynnong bosti nesana eki bosti toh bonabole kosish koribo pari koise. Actor para be tati lok kora toh ektum fascinating jaga ase aro etu toh ekta tourist spot ase koise.
Kaam te, jowa sal actor toh par par film – Gunjan Saxena: The Kargil Girl”, “Ludo”, “Shakeela”, “Mirzapur 2” and “Criminal Justice: Behind Closed Doors” nesana ola thakise.2021 te tai ke Satish Kaushik-directed “Kaagaz” thakise aro etu te tai lead role korise.
Tripathi ke besi project thaka te Ranveer Singh-starrer “83”, “Mimi”, Yash Raj Films”s “Sandeep Aur Pinky Faraar” aro “Bachchan Pandey”, featuring Akshay Kumar ase.
Add Comment