BSF jawan tui(2) jun larai olaikena morishe

AGARTALA: Tripura te India-Bangladesh border osor te duty kora samai tuita(2) BSF personnel pithor te jakara olaikena goole para tai jun toh be morishe koishe. Etu oper te sub-inspector ek ju be incident te jokom paishe. Etu incident toh Tripura, Silachari jaga Gomati district border outpost te Thursday din 7 pm neshian olaishe. Tui(2) jun mora jawans laga nam toh Havildar Sahid Singh aro Constable Pratap Singh thakishe koikena jenishe. Jokom powa sub-inspector laga nam toh Ram Kumar ase koikena janishe. Khobor para koishe ke, etu incident toh constable Pratap Singh aro havildar Sahid Singh pithor te duty nemite larai olaishe. Etu beche Constable Pratap Singh para tai laga service rifle para havildar Sahid Singh ke marishe. Etu goole jola honikena sub-inspector Ram Kumar toh jaga te jaikena  Pratap Singh ke rokaboli korishe, hoilebi etu constable para Singh oper te be goole jolaishe. Border outpost sentry te thaka jawan para officer aro dosura jawan khan ke pachabo nemite constable logot gooli jolaishe aro tai be morishe koishe. Executive magistrate, senior police aro BSF officials khan etu jaga te jaikena investigate kori thakishe koishe.