Meghalaya te 184 notun cases aro 3 jun mora khobor

SHILLONG: Friday Meghalaya te  24 gonda pithor te Covid-19 bemar para aro 3 jun morishe aro etu samai 184 notun positive cases thurishe. Etu notun cases melaikena Meghalaya te Covid-19 positive cases toh 80,430 pongchishe koishe. Etu bemar bhal howa sob melaikena 76,223 manu khan state te virus bemar para bhal hoikena ase aro bemari para sob melaikena 1,379 manu morikena ase koishe. Meghalaya te itya sob melaikena 1,891 active Covid19 cases hoikena ase. Saturday din te sob melaikena Covid bemar para 3 jun morishe aro 119 positive cases ase. Saturday din dak te Meghalaya’s Covid19 active cases toh 1,876 ase aro etu oper te 192 bemar bhal khobor paishe. Saturday rathi dak te NHM Meghalaya data hesab te sob melaikena 14,58,971 manu ke Covid-19 vaccines loikena ase. Saturday din te aro NHM Meghalaya data hesab te sob melaikena 6,864 manuh Covid-19 vaccine doses loikena ase. 6,864 manuh pithor te Saturday din dak te 18 umer dak 5,828 jun Covid-19 vaccine loikena ase aro 45 umer dak te 776 jun vaccine loikena ase koishe. Saturday din te 27 health care workers logot Covid19 vaccine dose thikena ase aro 233 frontline workers khan vaccine doses loikena ase koikena khobor para aro janaishe.