Jin, Suga, J-Hope, RM, Jimin, V, aro Jungkook aka BTS khan sob American maati te wapas ahise aro tai toh Saturday Night Live te pohoila bar olaibole aro tai khan laga U.S. tour nimite dayar kori ase, aro tai khan laga American fans pora twitter laga duniya besi bhal pora welcome korise. Etu saathjun members khan, kono ke K-pop laga raja koikena maaniye, toh April 10 raati te New York ponchise aro tai khan ke morom koriya manu khan pora phat social media te hash tag #WELCOMEBACKBTS koikena morom dekhaise, kintoh etu hashtag toh phat social media te sobse dangor kotha hoise.
NBC laga SNL te April 13 te tai khan ola aro May te pora shuru korikena tai khan laga U.S. tour direk logote milaikena, BTS toh tai khan laga jarta wala studio album, Map of the Soul: Persona, olaibole dayar ase kono te tai khan pora April 12 te ola noutn gaana “Boy With Luv” (featuring Halsey) bi milaikena thakibo. Etu chokura khan nimite jowa saal bi besi bhal thakise kile koile tai khan laga “Love Yourself” album trilogy toh besi kamiyab hoise aro tai khan laga gaana, “Fake Love” toh Billboard Hot 100 chart te No. 10 te ponchikena, tai khan toh etu chart laga top 10 te ponchiya pohoila K-pop group hoise.
BTS toh pura May te states laga dangor cities khan te perform koribole ase, genika ki Los Angeles, Chicago aro East Rutherford, NJ bi milaikena aro etu bicchete June te London laga famous Wembley Stadium te tweita shows te olaibole ase.
Add Comment