Shenzhen, 21 March : Cameron McEvoy, Olympic aru world champion swimmer, ekta historic record break kori dise—men’s 50-metre freestyle world record, juntu 17 bochor dhori thakise. 31 saal old swimmer tu China Open te Shenzhen te 20.88 seconds timing loi finish korise, aru purana record pora 0.03 seconds kom kori dise.
Itu record age César Cielo laga ase, juntu tai 2009 te 20.91 seconds te set kori thakise. Itu tou “super suit era” koise, jetiya special swimsuits use korise juntu buoyancy barhai aru drag kom korise, etu karone performance bisi improve hoi thakise.
Pichete, etu suits ban kori dise 2010 te, karon etu unfair advantage diya buli mana hoise. 2009 te etu suits use kori around 150 world records break hoi thakise ban hua agey.
Etu achievement logot, Cameron McEvoy notun history create kori dise swimming world te.
Add Comment