September 29, 2020. Cannes Film Festival para October moina te tin(3) din festival thakibo koikena junai thishe. Etu samay charta(4) films previews 2020 saal Official selection thakibo. Competition te short films select koribo aro Cinefondation laga school films thikabo. Palais des Festivals para ‘Special Cannes’ event, host korikena October 27 para 29 darik dak thakibo koikena Organisers khan para festival’s website te khobor toh janai thishe. Etu junai deya toh 2020 saal laga edition movie gala toh coronavirus bemari nemite postponed korishe. Festival te event organise hoboli thaka toh Cannes City Council logot melaikena koriboli ase koishe. “ami besi kushi para saboli ase ke, etu festival toh Cannes City Hall para October moina te host koribo ase, aro ami khan mon duk hoishe ke, may moina te kushi para saboli parah nai. Melaikena koribo thaka nemite te duniyabad thiase. Officials selection laga film toh Croisette te thikaboli ase.“Cannes te etu hesab te thakibo, etu oper te population aro professionals kaun khan logot hotai saal kam kori ahishe thakibo” koikena Cannes Festival laga president Pierre Lescure para statement te koishe.Cannes Film Festival 74th edition toh aha saal May 11 darik para May 22 darik dak thakibole ase koishe.
Cannes Film Festival October te thakibo
Add Comment