Cardi B Toh Billboard Music Awards 2019 Te 21 Nominations Paise

Jowa saal Top Female Rap Artist jitiya bicchete, rapper Cardi B toh 21 nomination paikena 2019 Billboard Music Awards te sobse aagete ase.

NBC and Dick Clark Productions pora Thursday te khobor korise ki etu 26-saal umar rapper toh etu naam dangor khan pabole nimite junise, tate Top Artist, Top Female Artist, Top Rap Artist, Top Selling Song aro Top Rap Album khan milaikena ase, billboard.com pora khobor korise.

Etu “I like it” rapper toh 18 categories te 21 bar nominate korise – etu toh Drake aro The Chainsmokers pora sobse besi nomination laga record thuriya pora khali ekta gomti hoikena ase, etu tweijun pora 2017 te 22 nominations thurise. Cardi B toh etu teenta categories – Top Hot 100 Song, Top Selling Song, aro Top Collaboration te nijor logote khilaf jujibole ase.

Cardi B laga bicchete, Drake aro Post Malone logote 17 nominations paise. Travis Scott toh 12 awards jitibo nimite junise aro XXXTentacion toh 10 nomination paise.

Aalag nominees khan majote Lady Gaga aro Bradley Cooper bi ase – kono toh chart achievement award, “A Star Is Born” nimite top soundtrack, aro “Shallow” nimite Top Selling song laga award pabole ase. Gaga toh ekla Top Song Sales Artist karne junikena ase.

Etu saal laga ceremony nimite, tweita fan-voted categories – Top Social Artist, aro Chart Achievement ase. American singer-songwriter Kelly Clarkson pora etu award ceremony toh Las Vegas te May 1 te host koribole ase.