New Delhi: September 17, 2020. Rhea Chakraborty, tai laga bhai Showik aro dosura manuh ke tawai nemite thura beche, Narcotics Control Bureau para actor laga purana manager Shruti Modi aro talent manager Jaya Saha ke Wednesday din te matishe. Hoilebi, kotha besi deri thakibo parah nai, keli koile officers ek jun ke Covid-19 positive paishe. NCB Deputy Director K.P.S. Malhotra para statement te koishe ke, NCB SIT laga team mauh ek jun ke Covid-19 positive thurishe, antigen test report toh NCB logot ahishe”. Malhotra koishe ke, dosura SIT members khan logot be hosari nemite test lobo. Etu samay NCB Shruti Modi ke jarishe aro aji pujur he investigation loishe” tai koishe. Safety kam kotom kora beche interrogation aro soruh hobo. Byculla Women’s jail te tui(2) jun manuh ke virus positive thura nemite Rhea Chakraborty ke be COVID-19 test aro korishe. Etu samay, Sushant Singh Rajput laga didi Shweta Singh Kirti, kuan Sushant mora oper te fans khan para support koriase, tai social media para ek paar nemite break loboli koishe, keli koile Sushant nemite tai mon besi dhuk hoiase koishe.
Add Comment