March 16, 2024 : Itu Coffee wash kuria laga station laga inauguration toh hoiley North East Council (NEC) para fund kurishey, kuntu toh hoiley Naga Tribal Coffee tey para loishey, Kohima laga High Court Tsiesema tey, 15th March, 2024 tey, , Land Resources laga Advisor – G. Ikuto Zhimomi logotey, tai tatey special guest buhi kena.
Itu inaugural function tey kotha kuri kena, Advisor G. Ikuto Zhimomi para highlight kurishey, lagi thaka toh, business khan shuru kuriboley, small startup khan para dangor business tak laga. Tai para mention kurishey ki, itu coffee business startup khan toh plantation thakiboley itu necessary nahoi, koishey. Tai para mention kurishey nauta dangor coffee entrepreneurs khan itu state tey asey kun khan majetey khali duita entrepreneurs toh hoiley tai khan laga nijey laga plantation khan asey. Tai para itu bhi mention kurishey, Nagaland coffee para achieve kuria laga success toh, itu global market tey.
Tai para point out kurishey, itu laga market value toh hoiley Rs. 236 crores nishina hobo, olop saal pichetey, line teym sob plantation khan harvest kuria laga stage toh ekbar achieve kurishey koiley, aru itu jawan educated unemployment manu khan ke mati asey itu business khan serious para loboley.
