Congress: 45 BJP MPs laga ghor manuh politics te samil ase

GUWAHATI: Congress MP Ripun Bora para janaishe ke, tuita(2) parliament Houses te be 45 BJP lawmakers laga ghor manuh khan politics te samil ase koikena khobor toh junai thishe. Wednesday din Assam laga Rajya Sabha MP para tuita(2) Houses te BJP lawmakers laga ghor manuh politics te samil thakai list toh thishe koishe. Tai para koishe ke, saffron party(BJP) para Congress aro Gandhi-Nehru family laga “dynastic politics” te nam beya koriboli eku moral rights nai koishe. Bora para aro janaishe ke, grand old party te MPs laga ghor manuh khan politics te samil nai. “Defence Minister Rajnath Singh laga chokra Pankaj Singh toh Uttar Pradesh laga MLA ase, Union ministers Anurag Thakur, Piyush Goyal aro Dharmendra Pradhan laga baba toh former chief ministers nahoile central ministers ase. Etu neshina dosura 18 examples toh itya Lok Sabha te ase,” koikena tai para Guwahati te reporters khan logot janaishe. “congress para ketai be BJP oper te kelaag korikena nai, ami khan logot besas ase ke, jodi tuita(2) nahoile etu laga oper members laga ghor manuh para government te nahoile party te important positions loikena thakishe koile, tai khan toh democratic process hesab te nahoile nejor para parai laga kam toh manuh nemite kora ase,” koikena Bora para aro janaishe. 2004 saal te, ketai Congress para Lok Sabha te majority thakishe, etu samai Sonia Gandhi ke prime minister post thuriboli koishe, hoilebi tai para mana nai hoilebi Dr. Manmohan Singh logot thishe aro etu samai Rahul Gandhi toh central minister hoboli paribo thakishe, hoilebi etu neshina howa nai,” tai aro janaishe.