Pegasus row: Next hafta Supreme Court para fesla junai thibo

New Delhi: Supreme Court para technical expert committee ekta bonaikena Pegasus snooping case toh saboli ase koishe. Thursday din te Top court para interim order toh aha hafta pass koribo koishe.Bench ekta Chief Justice N V Ramana para koishe ke, order toh olop din akhe junai thibo thaka toh aha hafta te olabo, koikena Indiana Express para khobor toh janaishe. “Supreme Court para charges saboli nemite technical experts committee ekta bonaboli kori ase. Etu kam deri howa toh hoile konuba experts members laga bapana te dukh ase. Etu nemite aha hafta dak te fesla koribo,” koikena CJI Ramana para janaishe. Apex court para koishe ke, aha hafta order toh pass korikena snooping kam toh independent para saboli janaishe. “ami khan laga technical expert team para aha hafta te orders toh janai thibo,” CJI para aro koishe. Top court para petitions ekta inquiry kora te Indian manu Israeli spyware para electronic devices toh illegal surveillance jola toh inquiry koriboli demand korishe. Etu khobor toh international consortium of media publications laga khobor hesab te ase aro etu te wire toh India laga ase koishe. Wire para claimed kora toh 300 opposition leaders, journalists aro dosura manu neshina  Congress MP Rahul Gandhi, Trinamool MP Abhishek Banerjee, poll strategist Prashant Kishor, aro industrialist Anil Ambani laga phone numbers samil ase koishe.