AGENCIES: Peru para Colombia ke 2-1para Sunday din te haraidikena copa America laga knockout stage te jabole nimete jinda rakhise.
Sergio pena para Peruvians khan ke akhe te luijaishe 17th minute Miguel Borja para eki kurishe spot te para 53rd ,omite te hoilebi 11 minutes pichede Colombian defender Yerry Mina para own goal dikena etu match toh decide kurishe olimpico stadium gionia te.
Peru toh group B te third position te ase tinta points logote duita matches pichede.colombia toh second spot te ase charta points logote hoilebi khali duita games bachikena ase .Leader Brazil toh choita points te ase.etu te top 4 team khan quarterfinals te jabo.
Peru toh Brazil logote tournament opener te 4-0 para harishe etu bi coach Ricardo Gareca’s team khan ke doubt olaishe.etu 2019 Copa America finalists toh South American World Cup qualifiers te dikdaar paishe etu bi haafta akhe te ai khan Colombia logote Lima te 3-0para haraa pichede.
Olop akhe Sunday din te Venezuela ro Ecuador toh 2-2 para draw hoisheVenezuela toh fourth position te ase duita points logote tinta matches pichede aro Ecuador toh one point te ase duita match pichede.
Group laga dusra matches toh Wednesday din te khelibo. Defending champion Brazil aro Colombia aro peru aro Ecuador khelibole ase.
