Agencies, 12 April: Indian Films & TV Producers Council (IFTPC) para sob shows laga producers ke tai khan laga crew ke COVID-19 nemite test toh etiya laga guidelines hisab te lobole janaishe koise. Entertainment sector te ektum dekthari powa toh Maharashtra te besi Mumbai te COVID-19 cases otha nemite. Maharashtra toh Hindi film aro television industry nemtie khor ase. Statement te IFTPC para 90 TV shows laga producers ke RT-PCR/Antigen tests toh tai khan laga pura crew te lobole janaise koise.
Directive bechite, PFTPC ke confirmation toh 9000 opor test lowa paise. Test toh ‘Break the Chain’ guidelines hisab te 15 din bechite aro loise. IFTPC para mandate korise antigen tests toh extra safety nemite hotai hapta lobole.
Actor-producer JD Majethia, Chairman TV & Web wing para tests daam te broadcasters para shaa janaishe aro sob guidelines toh manibo nemite ensure korise koise.
Producers ke sets aro post production facilities nemite bio-bubble toh pura safety nemite bonabole koise. Bio-bubble te kaam toh suru korise aro katha din te bonabo koise.
Poila besi productions te “Ram Setu”, “Gangubai Kathiawadi” aro Dharma Productions-backed “Mr Lele” nesana te shoots rokha thakise kelay koile Akshay Kumar, Alia Bhatt, Vicky Kaushal aro Bhumi Pednekar khan ke coronavirus nemite positive test ola nemite.
Actors ke chari kena Kumar laga Ram Setu te 45 members toh novel coronavirus nemite positive test ola thakise.
Federation of Western India Cine Employees (FWICE) para olob din agae sob COVID-19 shooting guidelines ensure koribole nemite “monitoring team” bona thakise.
Add Comment