Agencies, 01 May: Bollywood actress Alia Bhatt toh desh te coronavirus dekthari nemite motob koribole besi par agae othise. Actress para states aro cities khan laga verified COVID helpline numbers toh tai laga Instagram account te share korise. Alia logote journalist Faye D’Souza melikena Covid-19 resources opor te kaam laga khobor toh tai laga verified social media pages te share korise. Jaija olop agae din te, actress para desh te alak alak cities laga COVID-19 helpline numbers laga lists share kora thakise.
Etiya tak Alia para verified COVID helpline numbers laga list toh Punjab, Kerala, Gujarat aro Kolkata nemite ase aro cities toh Pune, Mumbai, Bengaluru aro Chennai nesana ase.
Poila actress toh COVID19 nemite negative test ola thakise. Alia toh April 2 te coronavirus nemite negative test ola thakise aro tai laga health updates/khobor toh social media te share kora thakise. Actress toh tai bemari thaka samai Sanjay Leela Bhansali’s “Gangubai Kathiawadi” nemite shoot kori thakise.
“Gangubai Kathiawadi” opor te, Alia laga Kitty toh ahibole projects -Ayan Mukerji’s adventure “Brahmastra”, “Baahubali” director SS Rajamouli’s “RRR” aro Karan Johar‘s multistarrer “Takht” nesana para bhorta ase.
Add Comment