Pewdiepie logote khilaf T-Series pora lawsuit file koriya bicchete, Delhi Court pora YouTube ke tai khan laga platform te pora Swedish YouTuber pora haaliya tweita gaana hatai dibole koise. Etu court pora YouTube ke etu bi pakka koribole koise ki etu tweita gaana toh ahiya samoy te aro na halibo nimite. Etu court pora etu mamla nimite kotha hunibole July 15 laga direk dise.
Ekta dangor aadesh te April 8 te, Justice Jayant Nath pora koise ki etu aaesh toh twei habta laga samoy bithor te maanibole laage. “Moi laga phabana hisab te, kanun nimite etu videos toh YouTube pora hatai dile bhal hobo,” tai pora koise.
T-Series, pora tai khan laga petition te, YouTube pora T-Series Diss Track/Bitch Lasagna aro Congratulations gaana hataibole koise. Etu Indian music giant pora court ke koise ki etu gaana laga lyrics toh besi bodnami ase. Etu gaana India manu khan logote khilaf racist, sorom khela aro kheen koriya kotha khan ase, tai khan pora koise, kono toh hosa nahoi.
Add Comment