Agencies, 06 October: Tuesday te Star Indian badminton couple Saina Nehwal aro Parupalli Kashyap toh Denmark Open Super 750 tournament para olaise. Etu toh October 13 direk para Odense te suru hobole thaka ase. BWF World Tour toh March te All England Championships bechide COVID-19 pandemic karni bondh kora thakise.
Badminton World Federation (BWF) para Thomas aro Uber Cup Finals (Oct 3-11), Asia te tinta events (November) toh aha sal 2021 nemide postpone korise aro tai khan para Denmark Masters (Oct 20-25) cancel korise.
Aha sal Tokyo Games nemide ekala biswas thaka former world no.1 Saina toh withdraw kora nemide Odense jag ate womens’s singles event nemide Indian khelari hisha lowa toh nathakibo kelay koile world champion PV Sindhu toh hisha nalobole pahar hoikena thaka nemide.
Kashyap toh aji kali world No. 24 rank te ase aro eki karan nemide event te skip koribole fesla korise.
Adjust kora international cander hisaab te, Bandminton World Federation para Denmark te tinta par-par events toh lobole plan korise. Etu tinta toh Thomas and Uber Cup Finals, Denmark Open aro Denmark Masters ase. Etu bechide Asia te tinta kamiyaab events te World Tour Finals be melikena lobole thaka ase.
Hoilebe BWF para Thomas aro Uber Cup toh aha sal 2021 nemide postpone koribole fesla korise. Etu toh top teams khan pandemic nemide withdraw kora bechide ase. Aro Denmark Masters be cancel korise. Apex body para Asia leg toh aji kali situation nemide January te lobole deri kori deshe.
Former world no.1 Kidambi Srikanth, young Lakshya Sen, Ajay Jayaram aro Subhankar Dey ekala ase Denmark Open te hisha lobole nemide.
Add Comment