Agencies, 29 December: Sports Ministry para desh te competition suru koribole nemite guidelines olaise. Etu para pandemic nemite domestic aro international meets rokhi thaka te suru koribole nemite federations ke rasta khulishe.
National Sports Federations (NSFs) toh domestic meets lobole nemite government ke rokhi thakise.
Pandemic nemite season lobole napara thakise aro besi top athletes para domestic competitions toh jolabo 2021 te Tokyo qualifiers suru koribole nemite daiyari hisaab te.
SOP te koise, risk aro events laga scale hisab te, organising committee para athletes nemite RT-PCR testing bona aro ASPs lowa toh event laga 72 khonda agae te koribo pari aro organising committee laga website te upload kora toh mandatory hobo.
Shaa manu khan ke toh manibo. Outdoor events nemite, shaa manu khan mana toh stadium laga total capacity para 50% tak manibo.
Organising committee para COVID task force bona toh protocols bona te sabo laki.
Athletics, shooting aro wrestling federations para competitions suru kora janaishe aro tusara federations tai khan laga calendars toh ahibole olob hapta te janaidebole bhabona ase.
Adille Sumariwalla, Athletics Federation of India president para aji tai khan zonal competition (East Zone) toh Guwahati te suru korise koise. Ami khan revised national calendar suru koribole biswas te ase. Ami khan laga SOP daiyar te ase. Event toh olabo aro sob measures toh athletes laga safety nemite lobo.
AFI para be Guwahati te February para jurnior meet lobole plan kori ase.
2021 nemite revised athletics calendar hisab te, first tuita Indian Grand Prix legs toh Kerala te lobole scheduled ase. First leg toh February 12 te lobo. National race walk championships toh February 13 direk Ranchi te lobole scheduled ase. 2021 laga first athletics meet toh March 10 direk Patiala te lobole nemite scheduled ase. Bengaluru te Inter-State scheduled toh June te ase aro etu toh Olympics nemite last event hobole ase.
Shooting te, domestic selection trials toh January 5 direk Karni Singh shooting range te lobole ase. Etu toh 11 moina bechite first competition hobole ase. Etu para 2021 international fixtures nemite national squad junibole motob koribo. Etu te March moina te ISSF World Cup lobole be melikena ase. India laga 15 shooters kon Olympics aro tusara top shooters nemite quota paikena ase tai khan compete koribole ase.
Wrestling Federation of India para January-February te nationals toh tinta cities te lobole janaishe. Men’s freestyle competition toh Noida (Jan 23-24) te lobo, women’s tournament toh Agra (Jan 30-31) aro Greco-Roman national toh Jalandhar (Feb 20-21) te lobo nesana ase.
