Disney Snow White, Actress Marge Champion 101 umer, morishe

October 23, 2020. Marge Champion, kaun para Walt Disney’s Snow White te real-life model korishe, 101 umer te morishe. Actress aro tai laga motha para dance partner Gower Champion logot melikena 1950s samai MGM musicals te be kam korishe. Olop saal thaka beche, 1975 TV film Queen of the Stardust Ballroom te choreography te Emmy Award be jetishe. Wednesday din, tai Los Angeles te morishe. Khobor toh dance instructor Pierre Dulaine para Hollywood Reporter logot janai thishe. Marge aro Gower Champion eke logot TVS shows, Broadway musicals aro film neshina Show Boat te danced korishe. Tai jun ke aro eke logot Mr Music (1950) starring Bing Crosby, Lovely to Look At (1952), Give a Girl a Break (1953) aro Jupiter’s Darling (1955) te kam korishe. Marge Champion toh Marjorie Celeste Belcher, Hollywood 1919 saal te jonom paishe. Ketai Disney’s animation team khan Snow White aro Seven Dwarfs te kam kori thakishe, Marge ke loishe. Champion toh 14 umer thaka samai te tai khan logot ek din nahoile tui din nemite tui saal kam korishe, etu samai hotai din tai $10 pai thakishe. Champion para aro Blue Fairy in Pinocchio, Hyacinth Hippo in Fantasia, aro Mr Stock in Dumbo te model neshina kam korishe. Gower aro Marge Champion 1947 saal te shati korishe, hoilebi 1973 te alag-alag hoishe. Gower toh 61 umer thaka samai 1980 saal te morishe.