AGENCIES:Spain khan dukh paishe etu te Robert Lewandowski khan Poland nimete wapas anise.
Etu FIFA player of the year para tai laga team ke hope dishe akhe te jabole nimete European Championship Saturday te etu bi second half equalizer dikena etu bi spain laga team logote 1-1 para draw huwa pichede.etu toh tai khan chance khan miss kurishe aro etia khatara te ase olaijabole nimete.
Poland’s khan harishe koile toh tai khan laga chance round of 16 euro 20202 te punchibole nimete dikdaar pabole thakishe.
Morata para tai laga scoring drought toh khotom kurishe etu bi spain ke akhe te luijaishe 25th minute te hoilebi Lewandowski parsa 54th minute te eki kurishe header te tai laga third goal nimete 13 apperance te etu te national team logote major tournament te.
Etu result para Sweden khan group E laga top te ase four points logote Slovakia logote jita pichede Friday te.slovakia toh second te ase tinta points logote ase aro spain toh duita ase.poland toh aro bi ekta chance ase last group te thakikena ekta point logote.
17 umar te Poland midfielder Kacper Kozlowski toh juwan khelari hoishe history te European championship te etu bi substitute huwa pichede lewandowski score nakura akhe te.
Kozlowski toh Oct. 16, 2003 te jonom hoishe England midfielder Jude Bellingham, kun June 29 2003 te jonom hishe etu milestone toh choi din nimete rakhise.
Spain toh etia tak captain Sergio Busquets, thakanai kuntu toh squad te Friday din te ahise etu bi covid19 para clear huwa pichede.
