AGENCIES: Injury-depleted Belgium toh Greece logote Thursday din te 1-1 para draw kurishe etu bi European championship nohoa akhe te friendly te etu toh Belgians khan nimete bhal result thaka nai etu bi ekta team laga khilaaf kun khan etu tournament nimete qualify kuranai.
Belgium khan etu game te Kevin de Bruyne toh thakanai etu bi tai laga chehra te jhokom paa pichede Manchester City Champions League final te juwa haafta te .axel witsel toh etia tak long-term Achilles tendon injury nimete bhal huwanai aro goalkeeper Thibaut Courtois aro tinta dusra khelari khan majhotte ase kun khan ke rest kuraidiya toh.
Etu te Eden Hazard toh jhokom para bhal hobole kuri thakishe aro tai laga bhal thorgan toh etu intiative loishe Belgium nimete 20th minute te score kurikena Yannick Carrasco laga cross te.greece toh jawab dishe etu bi Georgios Tzvellas toh rebound te score kura pichede etu bi Kyriakos Papadopoulos’ header post te maraa pichede.
Belgium toh aata games khan naharikena ase aro euro 2020 group te Russia Denmark aro finland logote khelibole ase.
Olop akhe te Ukraine toh lead te rukhise etu bi Northern Ireland ke 1-0 para haraidishe.etu para four 1-1 draws Ukraine nimete thaka toh khotom kurishe etu toh bishi frustrate thakishe bishi wala score kuribole napara nimete possession te dominate kura pichede. Oleksandr Zubkov para game laga ekta goal halidishe etu bi 10th minute te header marikena etu bi tai ke ekla rakhidikena far post te ekta cross pabole niemte.Ukraine khan euro 2020 te Netherlands, North Macedonia aro Austria logote khelibole ase.
Turkey toh choita games naharikena ase etu para Moldova ke 2-0 para haraidishe .moldova logote chances khan thakishe counter te score kuribole nimete first half te etu bi Burak yilmaz para first half counter kura te French league title Lille logote jita pichede turkey nimete first goal score kuriseh 58th te Cengiz Ünder para second goal dishe 19 minutes huwa pichede.
Mario Gavranovic para hattrick kurishe Switzerland nimete aro tai khan Liechtenstein ke 7-0 para haradishe.switzerland aro turkey toh eki euro 2020 group te ase wales aro itlay logote.
