AGENCIES: Slavia Prague defender Ondrej Kudela ke UEFA para 10 games nimete Wednesday din te bondh kurishe etu bi Europa league te ekta black opponent ke abuse kura nimete.
UEFA para koikena janaishe etu ban toh “club and representative team competition matches” nimete thakibo.10st games toh minimum ban ase racial abuse nimete UEFA’s disciplinary code te.
Kudela toh Slavia’s Europa League campaign aro Czech Republic’s games European Championship te nathakibole ase.
Kudela slavia aro etu te Czech football federation toh etu ban uporte appeal kuribole paribo etu bi akhe toh UEFA aro etu pichede Court of Arbitration for Sport te ase.
Kudela para tai laga much toh duita haath para thurishe etu bi tai para Rangers player Glen Kamara’s ear te kuwa pichede Europa League game Glasgow te juwa moina te khela samay te.tai para Kamara para bodnam kura te tai para biya kotha kura te aro ekta rangers khelari para kuwa toh huna toh.
UEFA para aro bi kamara ke tinta European club competition games aha season nimete bondh kurishe etu bi game huwa pichede kudela ke bodnam kura pichede etu toh Slavia para 2-0 para jita thakishe.
Add Comment