January 31, 2024: Students khan laga jivan tey, challenges pishey face kurey, tai khan laga academic tey excellence aniboley aru tai khan laga physical aru mental health majetey. Itu life balance toh pishe important asey exam periods tey, kitya students khan academic pressure aru performance anxiety khan face kurey, kontoh dangor impact kurey tai khan laga mental health tey. Exam preparedness toh hoi important asey, hoiley be kontoh pishe important asey koiley study aru healthy life tey balanced maintain thaka asey.
Aji laga homoi tey, exam performance toh students laga jevan tey centre tey rakhae. Ami khan sob janiasey sob manu toh academically tey phal nathakey. Hoiley be itu exam result para student’s khan laga talent khanke ke judge kuribo nabarey. Ami khan sob- parents, teachers, friends aru family khan kaam kuribolakey bacha ke congenial environment teboley tai khan laga full potential toh realized kuri teboley karney aru sob jaga tey support kuriboley.
Student’s khan toh family, teachers aru society laga burden bukkhey phal para perform kuriboley. Itu para tai khan mentally stress hoi aru physically kumzor banaiaru itu para tai khan laga health piya kuritey. Pishe stress para mental health problems khan anxiety, depression aru sleep disorders khan laga risk create kurey. Itu challenges khan overcome kuriboley karney, students khan hodai positive thakibolakey, embrace, exercise, mediation aru deep-breathing khan kuri thakibolakey, itu para studies tey concentration aru focus kuriboley baribo.
Note kuribo parey keneka exam time tey physical aru mental health maintain kuribo lakey. Regular exercise kuribolakey cardiovascular health ekla improve nahoikena stress ke jitiboley be. Balance diet aru nutrition toh pishe important asey manu laga Jeevan tey. Bhat toh fuel nishena kaam kurey kontoh amikhan laga body, aru mind ke nourish kurey, itu nimetey thik tak bhat khabo lakey exam laga homoitey. Exam time tey phal para humabo lakey phal health karney itu para sob jaga tey phal para perform kuriboley paribo. Student’s laga Jeevan tey environment phal hobo lakey, itu nishena exam time tey supportive aru encouraging environment thakibolakey aru last tey, time management toh pishey important asey, last minute rush toh phal nai, sob kaam tey homoi toh phal para manage kuribolakey aru balance maintain thakibo lakey.
Add Comment