September 25, 2020. Sushant Singh Rajput laga family lawyer Vikas Singh para koishe ke, actor toh morai deya ase. Tai hotishe ke, keli Central Bureau of Investigation (CBI) para suicide case toh murder case ase nakoi. Sushant laga body pictures toh AIIMS teams kaun doctors para case sai ase tai khan logot thishe. Tai aro koishe ke, Sushant toh morai deya 200 per cent ase.
Vikas Singh koishe, “CBI khan para suicide toh Murder ase koboli fesla thiri kora toh besi kosa ase. Ami para AIIMS teams logot olop din agae te photos thika toh suicide nahoina morai deya
200 % hosa ase. Vikas Singh para kowah toh support korikena Sushant Singh Rajput laga didi Shweta SinghKirti para Twitter te hotishe ke, ami khan keman thiri dak justice boboli rokibo. Tai aro koishe, “ami khan besi din norom para roki ase! Keman din hosa toh rokibo lage? #SSRDeathCase” Etu samay, CFSL, CBI’s SIT aro AIIMS medical board para final fesla toh joti konuba suspect thakile roki ase. Sources para koishe ke, agency para AIIMS forensic khan logot be kotha toh share korikena next kam toh koriboli ase. Sushant mora case toh August 6 darik te loishe, etu beche CBI team para AIIMS forensic team laga motob loikena mora chaka toh saikena joti suspects thakile koikena sai ase koishe. AIIMS forensic team toh Dr. Sudhir Gupta para head korikena medical board bonaishe, aro etu team para Sushant laga ghor Bandra toh be saishe. AIIMS sources para koishe ke, forensic team khan medical board meeting aro CBI ke lok kora beche case toh jai ase. AIIMS source aro koishe, medical board laga kotha toh CBI logot thikena sabo. CFSL aro CBI investigation toh final nakora agae te study kori ase koishe.
Add Comment