Bengaluru, 25 April : Gokulam Kerala upor ekta dangor jit pa piche, FC Goa eta bisi important match khelibo lage ase — Punjab FC logot quarter-final te Kalinga Super Cup laga. FC Goa laga star forward Iker Guarrotxena, juntu tournament laga shuru te hat-trick korise, tai laga form ahiba laga match te bhi continue kori thakibo laga ase. Midfielder khan bhi Gokulam Kerala logot tai khan laga ekdom bhal performance karone dangor appreciation deserve kore.
Ahibo laga match te, FC Goa koshi koribo ki same dominance repeat koribo pare Punjab FC logot bhi. Kalinga Super Cup laga eta bisi wait kora quarter-final match Bhubaneshwar te thaka Kalinga Stadium te Saturday, April 26 te khela jabo. Etu match jitibo team tu semi-final te Kerala Blasters nai Mohun Bagan Super Giant logot face koribo.
Indian Super League (ISL) te FC Goa semi-finalist thaka somoy te bhal performance dishe, kintu Punjab FC laga season bishi disappointing thakise. Tai khan points table te tenth finish korise, 24 match te matro 8 ta jit aru 4 ta draw thakise. Kalinga Super Cup laga Round of 16 te, Punjab FC Odisha FC logot khelise aru 3-0 score te knockout match jitise. Asmir Sulijic, Pulga Vidal aru Nihal Sudeesh goal score korise Punjab karone, aru tai khan last eight te jagah paise.
FC Goa vs Punjab FC laga etu match April 26, Saturday te rati 8 baji IST te shuru hobo. Match Kalinga Stadium, Bhubaneshwar te khela jabo, aru live broadcast Star Sports Network te hobo. Online te live streaming JioHotstar app aru website te available thakibo.
Add Comment