Doha; October 9, 2020. FIFA president Gianni Infantino para koishe ke, tai etu hafta desh te jaa samay FIFA 2022 World Cup, Qatar te thakibo thaka toh bhal kam jaa thikishe. Infantino para tournament organizers khan logot lok korishe aro Al Bayt Stadium te jaikena 60,000- manuh laga capacity thaka chaka toh saishe. “etu chaka te football keliboli besi bhal stadium ase, 21 November 2022 saal te sobse tangor FIFA World etu chaka te soru hobo ase”, koikena Infantino para koishe. “Al Bayt Stadium toh besas koriboli duk ase, hosa football stadium ase”. Tented laga shape be besi alak ase, aro Arab style te ceilings thala toh be sunder ase, ami kotha koboli nai” koishe. Bemari thaka samay Qatar 2022 nemite kam kori thak toh jalo te ase, aro etu pithor te kam kora manuh khan COVID-19 hosari thakina kam koriase koishe. Khalifa International, Al Janoub aro Education City stadiums toh inaugurated korikena kam soru hoiase, aro dosura tinta(3) stadium- Bayt, Al Rayyan aro Al Thumama toh be komtom hoboli final bonai ase koishe. ath(8) chaka toh tournament soru nahowa agae te bona kotom koribo koishe.“tournament agae te, ami Qatar laga kam thikena besi kushi ase’. Ami khan plan kora toh thikishe, hoilebi hosa te koboli nai. “2022 saal te, sob manuh khan osor te thakibo, etu samay fans khan sob desh para ahaikena eke logot public chaka te ahina Qatar’s laga temperatures toh enjoy koribo etu saal. Supreme Committee for Delivery & Legacy laga secretary general H.E.Hassan Al Thawadi para Infantino laga kotha oper te aro koishe aro desh te tournament nemite foundations thala toh kushi janai thishe.
Add Comment