Agencies, 11 October: Five Indian judokas toh Grand Slam 2020 competition (International Judo Federation event) te hisha lobole ase. Etu toh Budapest, Hungary te October 23 para 26 direk tak lobole ase. Government para six-member Indian team laga daam te sabo aro etu te tuita maine aro tinta moda player aro ekta coach be melikena ase.
Team toh competition nemide October 19 direk para chara thakibole ase.
Judokas para komti hoilebe tuita COVID-19 negative individual medical certificates olabo lakibo Hungary te ponja samai. Women’s team te Manipur para 25 sal Sushila Devi (48kg) aro Delhi para 22 sal Tulika Mann (78kg) be melikena ase.
Men’s team te former Olympian aro 28 sal Avtar Singh (100kg), Punjab para 22 sal TOPS TOPS developmental group athlete Jasleen Singh Saini (66 kg) aro 24 sal Vijay Yadav (60 kg) be melikena ase.
Five judokas te coach Jiwan Sharma logode shaat thakibo Hungary te competition nemide.
Players ke toh world ranking laga basis te junishe aro Tokyo Olympics nemide qualify hobo karni besi chane ase. Tai khan be Senior National Ranking Championships te best competitors ase.
Maike majode Sushila toh sobse besi ranked 41 te ase aro sob melikena 833 Olympic qualification points ase. Jasleen toh 56 te sobse besi rank te ase moda majode aro 854 Olympic qualification points ase.
81 desh para 645 competitors nesana toh IJF event, Budapest Hungary te lobole laga te hisha lobole ase.
Add Comment