Flood relief te Prabhas para 1.5 crore donate korishe

October 22, 2020. Hyderabad te floods para manuh besi laga jevan beya hoikena ase. Aro etu oper te Covid-19 bemar para poisa nemite te be manuh besi dhuk koikena ase. Etu dhuk thaka samai, Telangana laga chief minister KCR para manuh khan logot flood relief nemite motob mangishe. Khobor bhal ekta toh Tollywood khan para motob thiboli agae te ahiase. Notun  khobor ekta te Prabhas para Telangana chief minister relief fund flood relief kam te motob nemite Rs 1.5 crore donation thishe. Aro Prabhas para tai laga fans aro followers khan logot dhuk manuh ke motob koriboli koishe. Etu first time nahoi ke, Prabhas para boila te be motob korina ase. Olop din agae lockdown thaka samai te be tai para Rs 4 crores thishe. Etai Prabhas toh Italy te Radhe Shyam  film bonai ase koishe.