Agencies, 30 November: Indian women’s football team para coronavirus lockdown bechae para first training camp toh Tuesday para Goa te national coach Maymol Rocky pithor te suru korise. Etu toh AIFF para pandemic nemide bona strict bio-secure environment te lobo. Indian women toh nine moina te tai khan laga first camp lobole ase.
AIFF hisaab te, team doctor Dr Shervin Sheriff para prescribed kora Standard Operating Procedure (SOP) te alak alak requirement aro protocols cover ase. Etu toh pandemic samai te training suru koribole nemide ase.
Women’s coach Rocky para team khan toh tai khan big-ticket event — AFC Asian Cup in 2022 te shai kena suru koribole echa ase koise.
Rocky koise, “AFC Women’s Asian Cup toh ektum dangor tournament ase. Etu te India Women’s Senior National team toh sal-sal te khela thakibo. Ami khan Olympic qualifiers te compete koribo hoilebe AFC Women’s Asian Cup toh sob melikena ekta alak ball game ase.
Tai para be ek sal laga daiyari samai hoise koilebe continental powerhouses te compete koribole toh ekta dangor challenge hobole manishe.
SOPs hisaab te, training camps te ahibole players aro support staff toh khor para departure agae tin din te COVID-19 test (RT-PCR) lobo lakibo aro lakiya precautions logode travel nemide proceed koribo lakibo judi negative result olaile.
Goa ponja bechide, Rapid Antigen Test (RAT) koribo lakibo aro judi negative olaile, tai khan seven din quarantine nemide respective rooms te proceeds koribo paribo.
COVID-19 nemide eku sign nahoile symptoms nathakikena quarantine bechide, tai khan Day 8 te training join nakora agae te RT-PCR test lobo lakibo.
Add Comment