Agencies, 20 April: Coronavirus laga second wave para besi manu khan ke infect korise aro besi positive cases toh joldi othi ase. Etiya laga situation te, veteran Bollywood actress Hema Malini para Tuesday te prathana korise virus para affect howa khan sob ke safety aro wellbeing nemite. Tai para be manu khan sob guidelines te manibole koise aro sob manu khor te thakibole request korise.
Actress aro political leader Hema Malini para etu khobor toh Twitter te janaishe.
Ek sal para be besi hoise ami khan laga desh te deadly coronavirus para helaideya. Virus phela te rokhabo nemite besi measures lowa bechite be, virus laga second wave para besi man uke infect korise aro etu virus toh desh te jungle jui jola nesana ektum gara para pheli ase. India toh etiya coronavirus para ektum affect howa second jaga te ase aro cases toh 15 million opor te ase. Monday te Delhi para 23,686 nesana cases record howa thakise.
Bollywood te etu par affect howa celebrities khan Neil Nitin Mukesh, Sonu Sood, Manish Malhotra, Katrina Kaif, Akshay Kumar, Govinda, Paresh Rawal, Alia Bhatt, Ranbir Kapoor, aro Rohit Saraf thakise.
Poila Amitabh Bachchan, Abhishek Bachchan, Arjun Kapoor, Malaika Arora khan be infect howa thakise.
Add Comment