Hero Super Cup 2019: Goa jetishe

Bhubaneswar: Saturday  din  Bhubaneswar laga Kalinga Stadium te  FC Goa khan para Chennaiyan FC ke 2-1` para haraidikena Super Cup 2019 laga title jitishe.

Etu match te Goa khan toh sobse bhal team thakishe .Hoilebi Chenniyin bishi bhal para khelishe.

Chenniyin khan para Goa defence khan ke  bishi dukh dishe .First half shuru kura time te  tai khan tinta chance paishe 3 minutes  te, Hoilebi tai khan goal dhalibole paranai lead lobole nimete.

Goa asti para wapas ahishe advantage loishe  aro tai khan score kuribole thakishe ,Hoilebi Jackichand Singh para score kuribole paranai.

Etu match laga first half te ekta bi goal halibole parani Hoilebi etu match toh alag hoijaishe second half te .

Goa khan para etu match laga akhe wala goal halidishe 51^st minute te  Ferran Corominas pora score kurikena Goa  khan ke 1-0 para lead dishe . Chennaiyin’s Thapa para ball toh half way line te Goa khan ke dishe ,Hugo Boumous para Chennaiyins laga goal te marikena   goal-keeper Karanjit Singh  ke save kuribole dishe .Hoilebi etu ball toh rebound kurikena  Spainiard logote punchikena tai para goal dhalishe.

FC Goa khan para tai khan lead toh bishi diri rakhibole paranai kile koile toh Chennaiyin khan bishi bhal para wapas ahikena 54^th minute te eki kuridishe score toh.Etu goal toh  Raphael Augusto para kurishe .

Etu match toh 1-1 hoikena thakishe .Hoilebi Goa khan arobi bhal para khelikena tai khan score kurishe .Etu goal toh  Brandon Fernandes para score kurikena   61^st minute te 2-1 para lead kuri thakishe .

Etu jitikena FC Goa khan tai khan laga akhe wala Super Cup title jitishe.