AIZAWL: Mizoram home minister Lalchamliana para koishe ke, state government para Assam police personnel ke hataboli kam korishe, tai khan toh Kolasib district pithor Buarchep aro Aitlang jaga te bohi ase. Mizoram home minister para janaishe ke, Assam police ke hatboli nemite force najolabo. “government para Assam police Aitlang aro Buarchep jaga te camping kori thaka toh hataboli bapana ase, keli koile Mizoram government para force jolaboli napareh,” koikena Lalchamliana para opposition Zoram People’s Movement (ZPM) laga sawal hesab te janaishe. Mizoram toh Assam logot 164.6 km inter-state boundary share hoikena ase. Etu tuita(2) Northeast states pithor te boundary jamila toh besi saal para itya dak be fesal nahoikena ase. Mizoram para kowa toh inner line reserve forest toh 1875 saal te hoishe aro Assam stands toh 1933 saal notification hesab te ase. Mizoram toh Assam laga district ekta thakai 1971 saal te alag Union Territory ekta powa ase. Mizo National Front (MNF) underground khan para 20 saal neshina larai korikena 1987 saal te statehood paishe aro etu beche political party ekta bonaikena itya state te ruling party ase. March 2018 saal te state’s apex student body Mizo Zirlai Pawl (MZP) para jamila Zophai jaga te resting shed ekta bonaboli kora samai 60 jun neshina jokom hoishe. Jowa saal October moina te be Lailapur, Assam National Highway-306 osor Vairengte te 20 bamboo stalls bonaishe aro etu jaga toh Mizoram border sobse osor town thaka tuita(2) jaga te jamila hoikena jolai thishe.
HM: Mizoram te Assam police hataboli kam kori ase
