GUWAHATI: Assam Silchar aro Mizoram Bairabi majot te passenger train services toh etu hafta para peraboli soruh koribo koikena khobor para junaishe. Etu notun khobor toh Northeast Frontier Railways (NFR) para statement te janai thishe. Silchar aro Bairabi majot te passenger train services toh a bi-weekly service thakibo. Etu tuita jaga majot te passenger train services toh September 10 (Friday) din para soruh hoboli ase koishe. “Northeast Frontier Railway para Silchar aro Bairabi majot te passenger special train toh etu hafta para local passengers maifta nemite aro sorouh hoboli fesla korishe,” koikena Northeast Frontier Railways (NFR) para statement te janaishe. Aro koishe ke, “of Train No. 05567/05568 Silchar – Bairabi – Silchar passenger special services toh hotai hafta nemite 10-09-2021 darik para soruh koribo.” Etu train toh hotai Tuesday aro Friday din Silchar para 16-55 samai jaribo aro 21-00 samai Bairabi pongchibo aro etu beche Bairabi para hotai Wednesday aro Saturday din 05-30 samai jarikena Silchar 09-20 samai pongchibo,” koikena NFR para aro janaishe. Etu samai, Northeast Frontier Railways (NFR) para aro janaishe ke, Agartala (Tripura) aro Secunderabad majot te weekly special train services toh othaishe”. Train No. 07030/07029 Secunderabad – Agartala – Secunderabad weekly special train services toh aro tinta(3) extra service thakibo koikena NFR para koishe. Aro koishe ke, “Secunderabad para train toh 13th, 20th and 27th September, 2021 (Monday) din te jaribo aro Agartala para 17th, 24th September aro 1st October, 2021 (Friday) din te jaribo.” “etu train laga details stoppages aro timings toh IRCTC website te paijabo aro alag-alag newspapers aro NF Railway laga social media platforms te khobor toh paijo,” NFR para aro janaishe. “train journey samai aro passengers laga jaga pongcha samai nejot state te health protocols maniboli koishe aro passengers sob logot nejor laga railway aro state govt officials laga kotha manibilo janaishe.
Silchar aro Bairabi passenger train services soruh hoboli koishe
