AIZAWL: Mizoram government para state te Myanmar refugees ke schools te admission thiboli manishe. Mizoram te department of school education para district education officers aro sub-divisional education officers ke lekishe ke refugee bacha kuan India te Myanmar para military coup howa beche ahikena ase etu bacha khan ke schools te admission thiboli janishe. Mizoram school education department para order toh August 31 darik te junaikena ase. ‘ami koi ase ke, chapter 2(4) of the Right of Chjldren to Free and Compulsory Education Act, 2009 (RTE Act-2009) pithor te bacha 6 umer para 14 umer dak kaun khan dukh hoikena thaka nemite, tai khan toh school te admitted hoboli rights ase,” koikena Mizoram te director of department of school education laga letter hesab te janaishe. ‘etu nemite, ami request kori ase ke necessary action loikena migrant/refugee bacha khan ke nejor laga jaga te schooling continue hoboli nemite admission thibe,” koikena letter te aro janaishe.
Mizoram te Myanmar refugee bacha khan ke schools admission thibo
