Gurugram:Sunday din te East Bengal toh Miverva Punjab khilaf te ekdam dikdar para match toh jeetishe. East Bengal toh Miverva Punjab khilaf te 1-0 para jeetishe. Etu match toh Tau Devi Lal stadium te hoishe. Etu jeet nimite East Bengal toh etu season te tai khan laga title jeetibole hopes toh zinda rakhibole parishe.
Match laga poila half toh goalless hoishe. Hoile bhi Enrique Esqueda para match laga ekta jeetibole laga goal toh maribole parishe. Enrique Esqueda toh 75th minute te goal toh maribole parishe. Etu jeet para East Bengal toh teenta points banabole parishe.
East Bengal laga manager Alejandro Menendez para etu match nimite duita changes kurishe. Tai para match te Salam Ranjan Singh aro Toni Dovale ke suspend hoi kena thaka Borja Gomez aro Brandon Vanlalremdika laga jag ate anishe.
Minerva Punjab laga coach Sachin Badhade toh tai laga side te teenta changes banaishe. Arashpreet Singh toh tai khan laga side te wapas ahishe. Aro Sreyas V.G. aro Moinuddin Khan ke Makan Chothe aro Prabjot Singh para bodoli kurishe.
East Bengal toh match toh aggressive note te suru kurishe. Tai khan toh Minerva khilaf te bar-bar hamla kuri kena tai khan ke bishi pressure de thakishe. Match laga pura first half te tai khan Minerva Punjab ke defensive mode te rakhi dishe.
Minerva Punjab toh match laga first half te score kuribole paribole thakishe. Hoile bhi Juan Quero toh goal maribole aim kura samay te slip kurishe.
Match laga anth te Enrique Esqueda laga goal toh he East Bengal ke match jeetai dibole kafi (enough) thakishe.
East Bengal toh aha match te Gokulam Kerela khilaf te khelibole ase. Etu macth toh March 9 te hubole ase. Aro etu eki din te Minerva toh Chennai City khilaf te khelibole ase.
Add Comment