Antonio Valencia toh 2009 te Wigan Athletic pora Red Devils te ahikena club nimite dos saal besi mon diye kena kam korise aro khelise. Valencia toh phat bhal pora kheliya nimite Sir Matt Busby Player of the Year award toh 2011-12 season te paise. Tai pora bi Eric Cantona, David Beckham, aro Cristiano Ronaldo khan pora pohoila laagaiya laga jersey number seven lagaise.
Valencia pora tai laga career toh right winger karne shuru korise hoilebi olop thakikena right back position te jaise, tate shurwat te tai laga defense biya howa nimite tai ke besi bodnam korise. Hoilebi samoy pitti kena jaikena, etu Ecuadorian toh nijor pora full back position bhal kori loise aro Jose Mourinho pora ekta samoy te tai ke duniya laga sobse bhal right back ase koikena maanise.
Ekdum bhal aro jokhom napowa career thakikena bi, Antonio laga gobal biya hoi jaise aro theng te jokhom powa nimite etu season toh besi bhag khelibole pariya nai. Club logote tai laga contract te aro ek saal halibole laga opai bi thakise hoilebi etu koriya nai kile koile tai laga jokhom biya howa nimite aro club laga maksat toh aagete jabole thakiya pora.
Dos saal club nimite mon diye kena kam koriya bicchete, Valencia toh Twitter te jaikena tai laga mon phabana koise aro season khotom nahowa aagete tai laga jokhom pora bhal hoikena wapas ahibole kosish koribo koise.
Add Comment