AGENCIES: International Cricket Council (ICC) para Thursday din te T20 World Cup Europe Qualifier aro U19 men’s World Cup Europe Qualifier Scotland te lobole thaka toh spain te luijkaishe etu bi etu lobole thaka jaka te covid19 restrictions thaka nimete.
Scotland para spain te luijaa akhe event toh Europe Qualifier 2023 women’s T20 World Cup South Africa te thakishe.
Etu qualifier kuntu tohg duita steps pichede ase world cup para darek bodli nakurikena august 26 para 30 tak lobole thaka te France, Germany, Ireland, the Netherlands, Scotland and Turkey La Manga. France te khelibole ase aro turkey toh ICC womens event te akhe bar bhaagh lobole ase.
Etu 2022 U19 men’s World Cup Europe Qualifier toh bi Scotland para spain te luijaishe aro etu toh September 19 para 25 tak lobole ase La Manga te.
2022 U19 men’s World Cup Europe Qualifier toh ekta world cup spot nimete compete kuribo.ICC para statement te koikena janaishe “etu decision toh etu events toh spain te luijaabole nimete bhaagh luwa desh khan logote kotha kura pichede hoishe aro government khan logote kuntu te janishe ki etu toh ekta bhal chance ase etu event toh lobole nimete Scotland te covid19 restrictions khan thaka nimete.”
Africa, te U19 men’s World Cup Division 2 Qualifier etu te Botswana, Kenya, Mozambique, Rwanda, Sierra Leone and Tanzania thaka toh bondh kurishe covid 19 restrictions nimete.
Etu event toh lobole nimete upai nathakikena Tanzania aro rawanda ke etia Africa qualifier te uthaishe etu bi tai khan laga records nimete akhe qualifiers laga panchta editions nimete.
Tai khan Namibia, Nigeria and Uganda logote thakibo etu bi paanchta main event spots te ekta nimete compete kuribo.
