Perth, 28 April : Indian women’s hockey team ekta determined aru gritty performance dikhai dise, kintu Australia A logot 2-3 score te second match te haar manibo lagise Australia tour laga Perth Hockey Stadium te, Sunday din.
Match te Jyoti Singh (13’) goal marike India lead loi thakise, kintu Australia A wapas ahise aru Evie Stansby (17’), Dayle Dolkens (48’) aru Jamie-Lee Surha (52’) goal marike India ke pichhi chari dise. India laga second goal Sunelita Toppo (59’) pora ahi dise.
India match shuru te Australia A pora fast start loi, dangor intent aru attacking control dikhai dise. Host team logot early pressure ase karon India fast attack korise. Kintu Australia A nijor position hold kori India ke hard kaam korai dise. First quarter laga last phase te India ekta PC (Penalty Corner) jeet lobo parise, aru Jyoti Singh (13’) no time waste na korikena 1-0 lead loi dise.
Second quarter te Australia A pressure te thaka time te fight back korise, aru ekta Penalty Stroke award korise, juntu Evie Stansby (17’) convert korise. Tar piche India abar attack continue korise, kintu host team bhal defense kori baki quarter te hold kori thakise. Half-time te match 1-1 te equal thakise.
Break pora wapas ahi, duita team second goal maribole try korise, aru dui side para attacks bhal speed te ahi thakise. Third quarter laga starting te Australia A besi attack korise, kintu India counter-attack korikena third quarter strong finish korise. Last 15 minutes baki thakite, duita team still 1-1 te equal thakise.
Last quarter shuru hobo bitore Australia A lead loi jai, juntu Dayle Dolkens (48’) goal marikena 2-1 banai dise, aru thik he piche Jamie-Lee Surha (52’) ekta aru goal marikena 3-1 banai dise.
India laga side fight back korise aru Sunelita Toppo (59’) goal marikena score 3-2 banai dise. Kintu India laga team equaliser find na koriparile aru Australia win loi jai.
India next match Australia logot kheli bo May 1, Thursday din.
Add Comment