Agencies, 15 November: Sunday te Indian Olympic Association (IOA) president Narinder Batra ke Capital Foundation National Award deshe. Etu toh sports te tai laga motob nemide ase.
Tai ke award toh Capital Foundation Annual Lecture and Awards 2020 te deshe. Etu toh renowned jurist, Justice Krishna Iyer laga 106th birth anniversary te samaan koribole nemide lowa thakise.
Batra toh International Hockey Federation (FIH) laga president aro International Olympic Committee (IOC) laga ekta member be hoi.
Hockey India president Gyanendro Ningombam para Batra ke congratulate korikena koise, “Tai laga role India te sports administration te professionalise kora aro sport laga pura puri development nemide dedication toh ektum deserve recognitions ase”.
Indian hockey be poila tai laga leadership Hockey India President nemide thaka te laab powa thakise.
Former hockey player, Batra toh 1997 sal Jammu & Kashmir Hockey Association laga president hoikena tai laga administrative journey suru kora thakise aro tai 2011 tak thakise.
Tai be 2005 aro 2013 majode Delhi & District Cricket Association laga treasurer thakise. Tai Hockey India laga Secretary-General howa toh president nemide 2014 to 2016 te president nemide suru howa aro kaam kora bechide thakise.
Add Comment