New Delhi: Thursday din Chennai Super Kings (CSK) skipper MS Dhoni ke tai laga match fee para 50 percent fine loishe. Etu fine laga karan toh MS Dhoni toh match samay te umpires khan logote ekdam jhagara huwa nimite ase. Etu toh Rajasthan Royals khan khilaf te ek ball para jeeta samay te hoishe. Etu match toh Jaipur laga Sawai Mansingh Stadium te hoishe.
Official statement te koishe ke MS Dhoni para VIVO Indian Premier League (IPL) laga Code of Conduct toh biya kura nimite tai ke tai laga match fee para 50 percent fine toh loishe. MS Dhoni toh Chennai Super Kings laga captain ase. Etu toh Jaipur te Rajasthan Royals khan khilaf te match kheli thaka samay te hoishe.
Official statement te koishe ke Dhoni para manishe (admit) ke tai toh IPL Code of Conduct te Level 2 offence 2.20 kurishe aro etu sanction toh suikar (accept ) kurishe.
Etu ghatna toh ketiya Dhoni toh 43 balls para 58 runs banai kena bahar hoi jaishe. CSK toh 152 target ke khedai thakishe. Tai bahar huwa pichete RR laga Ben Stokes para ucha (high) full toss bowl kurishe aro etu toh Mitchell Santner laga komor (waist) opor para jaishe.
Add Comment