Sports

IPL 2020, DC vs MI: Mumbai Indians 9 wickets para jetishe

October 31, 2020

Agencies, 31 October: 111 para kamiyaab hobo nemide ketha te, Quinton de Kock aro  Ishan Kishan para Mumbai Indians nemide ektum phal para suru kora thakishe. Tai khan para opening wicket nemide 68 runs melaideya thakise.

Etu tuita left-handers toh notun ball kelaaf ektum hosiyar para suru howa thakise hoilebe etu bechide gears putli korikena six overs kothom howa te 38/0 ponjaideya thakise. Tai khan para nine overs pithor te opening wickets nemide 50-run stand te aha thakise. De Kock toh run te out howa para opening wicket stand kothom howa thakise. Ishan Kishan para tai laga fifty toh khali 37 balls te bonaideya thakise aro tai toh ektum style para ekta six loi kena kothom howa thakise. Suryakumar Yadav toh 12 off 11 balls te jinda para thaki thakishe. Etu agae te, Delhi Capitals batsmen toh tusara para nemide ektum beya te thakise. Tai khan ke MI bowlers para 20 overs te 110/9 te restrict kora thakise.

Mumbai Indians first franchise hoise

Mumbai Indians toh Indian Premier League laga history te 200 matches khela first franchise hoise. Tai khan feat toh Delhi Capitals kelaaf IPL 2020 game samai field te kamiyaab korise.

List te next best team khan: Royal Challengers Bangalore 193 apar ola logode, etu bechide Kolkata Knight Riders 191 ase. Tusara side te Delhi toh tai khan laga 190th IPL game khela thakibole ase. Etu bechide Kings XI Punjab (189), Chennai Super Kings (178), Rajasthan Royals (160) aro Sunrisers Hyderabad (120) ase.

Mumbai Indians be 150 IPL matches joldi ponja thakise hoilebe RCB toh 50 IPL games te sobse joldi ponja thakise. Aro Chennai toh 100 IPL ponja te first thakise.

Mumbai Indians, defending champions, toh 12 games para 16 points gamai kena playoffs nemide qualified howa be hoi kena ase. CSK laga jet Kolkata Knight Riders kelaaf nemide be tai khan knockouts te top jaga powa thakise.

Hoilebe Delhi toh playoffs te bonabole ase. Tai khan league stage laga first half te namishe, tai khan tinta lost hoise. Tai khan toh next round te ponjibo nemide bachi thaka tuita games te komti hoilebe ekta kamiyaab hobo lakibo.