Agencies, 13 October: Indian Premier League 2020 te Royal Challengers Banglore para arobe lead game khelishe. Tai khan para Monday din Kolkata Knight Riders kelaaf 82 runs para jetishe.
RCB para kaam laga tuita points toh loise aro etu samai tai khan laga Net Run Rate toh ektum besi jeta logode phal korise. AB de Villiers toh RCB nemide game laga star thakise. Tai para 33 balls te out nahoi kena 73 marishe. Etu para Royal Challenger Bangalore toh 194/2 te gara batting thakise.
De V illiers ke charikena, Aaron Finch para be ektum phal khel khelishe. Tai 37 balls te 47 runs lowa thakise. Etu nemide RCB toh ektum phal para suru howa thakise next te Devdutt Padikkal (32) thakikena., Openers out howa bechide, skipper Virat Kholi para AB de V illiers logode 100-run stand share korise. Kohli toh partnership te seond fiddle te khela thakise. Tai be out nahoi kena 33 runs lowa thakise.
Target te kethai kena KKR toh debutant Tom Banton (8) ke joldi lost howa thakise aro scoreboard te khali 24 runs thakise. Etu bechide KKR para batting nama toh dekhise. Shubman Gill toh Kolkata nemide sobse besi scorer thakise. Tai para run-out agae 34 score kora thakise.
Social media te fans toh AB de Villiers aro RCB bowler laga kosish te kushi powa thakise. Aro etu samai KKR toh fans khan kushi napowa te lok kora thakise.
Add Comment