NEW DELHI: Rajasthan Royals para Sunrisers Hyderabad ke 55 runs para haraidishe Sunday din laga Indian Premier League match te.Bat kurikena opener Jos Buttler par a 64 ball 124 runs bonaishe aro skipper Sanju Samson 48 off 33 balls bonaikena RR khan para 220 for three bonaishe.
Etu total chase kurikena SRH para tai khan laga innigs toh 165 for 8 20 overs te bonaishe. Mustafizur Rahman (3/20) and Chris Morris (3/29) para tinta tinta wickets loishe aro Kartik Tyagi (1/32) and Rahul Tewatia (1/45) para ekta ekta wicket loishe.
SRH nimnete spinner Rashid Khan (1/24), Vijay Shankar (1/31) and Sandeep Sharma (1/50) para ekta ekta wicket loishe.
Butler toh form te ahise ekta biswaas nathaka maiden T20 century te punchikena etu te aata sixes thakishe etu para Rajasthan royals ke 220 for 3 te punchaidishe. Buttler (124 off 64 balls) and skipper Sanju Samson, kun para 48 off 33 balls, bonaikena 2nd wicket niemte 150 runs partnership kurishe etu pichede royals khan para opener Yashasvi Jaiswal (12) ke harijaa pichede.
Aro etu Englishman para aata sixes hi nohoikena 11 fours maishe aro Samson para charta four aro duita sixes marishe.
