Agencies, 03 January: Saturday te organisers para tournament laga second leg nemite fixtures olai hisab te, Indian Super League te ATK Mohan Bagan aro SC East Bengal majote February 19 te khela thakibo.
Seventh season League laga second half para desh te sporting activities korai aha te mark korise. Etu toh January 12 para suru hobo aro NorthEast United FC aro Bengaluru FC majote Tilak Maidan Stadium te khela thakibo.
ATK Mohan Bagan be season laga final league game toh Mumbai City FC kelaaf khela thakibo aro league toh February 28 te kothom howa thakibo.
Season laga 55 league games te seven double-headers thakibo aro etu sob toh Sundays te khela thakibo.
Points table te ATK Mohan Bagan toh top te ase aro etu bechite ektum osor points para Mumbai City FC second te ase. Aro bachi thaka nouta team toh ekta-ekta para top koribole kosish kora thakibo.
Playoffs aro final nemite schedule aro venue toh bechite janaidebo.
Add Comment