ISL: FC Goa aro Bengaluru 2-2 draw

Agencies, 23 November: Spanish striker Igor Angulo laga double goal nemide FC Goa toh haribole thaka bachishe. Tai khan Sunday din Bengaluru FC kelaaf Indian Super League te khela te 2-2 para draw koribole parishe.  Bengaluru nemide, Cleiton Silva (27′) aro Juanan Gonzalez (57′) para score kora thakise aro Sunil Chhetri laga khelari khan nemide sosta jet thakise.

Goa para suru lead toh lowa thakise aro Bengualuru toh phal para eki bonaideya thakise aro tai khan laga defensive te gara maintain kori thakise. Hoilebe tuita team para suru quarter te clear-cut opportunities bonabole napara thakise. 

Bengaluru para tai khan laga first shot toh 11^th minute te register kora thakise. Etu toh Ashique Kuruniyan para left side para cut kora, tinta men te jeta aro tai laga komchor right foot para shot agae te thakise. Tai laga kosish te Coa custodian Mohammad Nawas para sosta thuri lowa thakise. Half-hour mark agae tin minute te, visitors para tai khan laga lead toh hotai nesana nahoi kena lowa thakise. Etu toh Goa box te mara para confusion bonaideya nemide thakise.

Jorge Ortiz Mendoza laga clearance bechide Harmanjot Khabra para left para mara toh goal laga agae te jaa thakise. Silva toh first react kora thakise aro Bengaluru ke lead korideya thakise.

45^th minute nahowa tak Goa laga first shot te goal thaka nai. Seriton Fernandes laga cross te Angulo para powa thakise aro tai para mara te sitha Bengaluru keeper Gurpreet Singh Sandhu agae te jaa thakise. Visitors para aro ekta bonaideya toh Deshorn Brown ke Kristian Opseth  para putli  kora bechide thakise.

Bengaluru para joldi tai khan laga lead toh double korise aro set-piece para agae ahishe. Goa laga defence toh thek nahowa thakise ketiya Kuruniyan para free kick mara te Brown para Erik Paartalu phalli pothaideya samai te. Australian para ball toh Gonzalez laga path te head kora thakise. Spaniard para close range te galdi kora nai aro scored toh mara te kamiyaab korise.

Goa para tuita attacking substitutions bona thakise. Brandon Fernandes aro Alberto Noguera ke anikena tai khan laga rasta te powa thakise aro tuita goal toh Angulo para tin minutes samai te bonaideya thakise.

Angulo laga first cut te nama toh net te 66^th te score para thakise. Etu bechide link-up play Fernandes aro Noguera majode thakise. Etu bechide striker para 69^th te eki bonabo nemide ketha thakise. Etu toh substitute Alexander Jesuraj para pass bechide thakise. Mendoza toh jokhom powa samai Goa nemide jet bonaidebole laga chance toh thakise. Hoilebe tai laga shot ke Sandhu para dur korideya thakise.