Agencies, 27 November: Friday te jai thaka three-match ODI series te Australia para India kelaaf te 66 runs para jetishe aro 1-0 lead loise. Match toh Sydney Cricket Ground te khela thakise.
Australia captain Aaron Finch para toss jeta thakise aro bat nemite juna thakise. Finch aro Steve Smith para centuries lowa thakise. Etu para Australia toh sob melikena 374 for six toh 50 overs bechite powa thakise.
Finch para 114 runs toh 124 balls para thakise Aro Smith para 105 toh 66 deliveries para thakise. David Warner para be bat te motob kora thakise aro tai para ekta half-centrury score kora thakise. Glann Maxwell para be 19 ball para joldi 45 runs lowa thakise.
India nemide Mohammed Shami toh leading bowler thakise aro tai para tinta wickets lowa thakise. 375 runs laga target te, India para Mayank Agarwal, Virat Kohli, KL Rahul aro Shreyas Iyer ke sosta para lost howa thakise. Hoile be Shikhar Dhawan aro Hardik Pandya para tai khan laga side (India) ketha te joldi runs bonabole kosish kora thakise. Hoilebe tai khan India para line par koribole napara thakise. Dhawan para 74 score toh 86 balls para lowa thakise aro Pandya para 90 score off toh 76 deliveries para thakise. India para innings toh 50 overs kothom how ate 308 for eight te kothom korise.
Add Comment