Agencies, 18 October: Sunday te BCCI president Sourav Ganguly para ektum rokhi thaka cricket season toh January 1 para suru koribo koise.
Sunday saam BCCI Apex Council met te domestic calendar opor te kotha kora thakise.
Ganguly para PTI ke koise, “Ami khan domestic cricket opor te kotha korise aro January 1, 2021 para competitions suru koribole fesla korise.
Etu season toh khata howa laga hobo na nahobo hot ate, former Indian captain koise, board toh practical purposes nemide sobdomestic tournaments te rakhibole (accommodate) naparibo.
Gangualy para BCCI toh Ranji Trophy nemide January-March window te shai ase koikena koise, “Ami khan ke full fledged Ranji Trophy redball tournament thakibo. Etu toh sob tournaments nemide para nathakibo”.
BCCI president para be junior cricket aro women’s tournaments toh March aro April te lobole assure korise.
Tai koise, “Ami khan be ami khan laga age group aro women’s cricket nemide elaborate plans thakibo. Ami khan Ranji Trophy suru koribo aro etu bechide tusara tournaments March aro April majode”. Tai para be Indian team ke quarantine phase samai te Australia te train koribole manibo koise.
BCCI president koise, “Cricket Australia para ami khan ke itinerary pothaishe aro ami khan etu itinerary laga modalities te kotha korise. Ami khan four Tests toh khelibole ase aro etu toh January laga third hapta te kothom hobo. Indian team toh three ODIs, three T20Is aro four Tests Down Under khelibole bhabona ase”.
England kelaaf home series te, Ganguly para BCCI toh situation te shai ase koise aro final itinerary toh khata samai te daiyar koribo koise.
Add Comment