November 9, 2020. Hollywood films besi coronavirus bemari nemite rokai thishe. Etai “Jurassic World: Dominion” bona kotom hoishe koikena director Colin Trevorrow aro junai thishe. Film toh UK’s iconic Pinewood Studios te kotom hoishe. Hoilebi etu agae t etui hafta neshina rokiboli olaishe, keli koile kam kora manuh khan logot COVID-19 positive paikena thakishe. Trevorrow para film bona samai Emily Carmichae logot melaikena lekishe aro tai para Saturday din Instagram te khobor toh janaishe. “Dominion” te starring khan toh Chris Pratt aro Bryce Dallas Howard para July moina te hoshari thakina kam aro soru korishe. Tai khan March moina kam kora toh roki-kena thaka ase. Deadline para koishe ke, 40,000 oper manuh logot COVID-19 tests loishe, etu pithor te 0.25 per cen positive paishe, etu 100 manuh neshina ase. Film bona Universal Pictures aro Amblin Entertainment para hoshari kam koribo nemite ekla te USD 6-8 mn neshina poisa korcha hoishe koishe. Lead cast Pratt aro Dallas Howard toh “Jurassic World” series 3 wala film te aro wabas ahibo. Aro film te original manuh 1990′ saal laga “Jurassic Park” trilogy- Laura Dern, Jeff Goldblum aro Sam Neill khan be thakibo. “Dominion” te dosura manuh neshina “Doctor Strange” star BD Wong, Mamoudou Athie, TV series “Sorry for Your Loss”, aro “She’s Gotta Have It” actor DeWanda Wise, etu khan be thakibo koishe. Etu film toh 2018 saal laga “Jurassic World: Fallen Kingdom” beche te ola ase. Trevorrow para film toh aro Steven Spielberg, “Jurassic Park” laga director logot executive produced kora ase koishe.
Add Comment