September 8, 2021: Deputy commissioner (DC) Kamrup-Metro laga office toh Rupnagar Guwahati te shifted korishe koikena khobor para janaishe. Wednesday din te Assam chief minister Himanta Biswa Sarma para etu jaga toh visit korishe aro Kamrup-Metro deputy commission laga notun office soruh koribo. Assam CM Himanta Biswa Sarma para koishe ke, “notun Kamrup-Metro DC office toh 5-storeyed building ase aro tin(3) saal pithor te building bona kotom koribo.” “state te tin(3) saal pithor te sob melaikena 10 notun DC offices bonabo,” koikena Assam chief minister para khobor toh janaishe. Hoilebi, Chief Minister Sarma para aro janaishe ke, notun Kamrup-Metro DC office bonaboli laga daam toh aro be hesab nakorikena ase. Etu oper te Guwahati police commissioner laga office toh be Rupnagar te shifted koriboli ase koishe. Itya samai, Kamrup-Metro DC office Kachari te thakai toh beya korikena etu jaga te notun project hesab te bonabo koishe.
Kamrup-Metro DC Office toh Rupnagar te shifted koribo
