Kangana para BMC ke 2 crore mangkishe

New Delhi: September 16, 2020.  Bollywood actress Kangana Ranaut para Mumbai municipal agency logot tai laga office beya kora nemite te Bombay High Court ke petition file korikena Rs 2 crore compensation Brihanmumbai Municipal logot mangkishe. Corporation (BMC) para “illegal” para tai laga ghor beya korishe. BMC para koishe ke, “Queen” actor’s ghor  Pali Hill suburban Bandra te thaka toh September 9 darik te korishe. Ranaut para high court te jaishe. Division bench, Justice S J Kathawalla para loikena beya korishe, aro koishe ke, civic body’s actions toh “malafide” ase. Ranaut para koishe ke, BMC’s para saman beya kora toh tai para Maharashtra government logot comments kora nemite ase. Olop din agae te, tai aro Government of Maharashtra kotha para lakishe, etu nemite public khan logot be chuise.”Ranaut laga kotha para konuba manuh ke kushi paa nai aro Maharashtra government laga political party logot kowah ase.” Ranaut laga petition para koishe ke, “tai ke thamki korishe aro, judi Mumbai te ahile tai ke jokom thibo koishe, etu nemite tai ke Central Government para Y-plus category CRPF thishe, aro tai Mumbai te protection para ahishe. “Etu eke party toh etai BMC te rulling party ase, petition para koishe, hoilebi Shiv Sena nam lowah nai. Petition koishe ke, Bollywood actor logot  BMC para ghor repair koriboli aro etu kam toh 2018 saal te fesla thishe koishe. BMC para Ranaut logot September 7 darik te ghor uthabole khobor thishe aro tai ke 24 gonda thishe, koikena petition te koishe, etu samay tai para jawab nakora nemite aha din te tai laga kotha toh reject korishe. BMC aro police officers khan tai laga ghor bahar te thakishe”. Ranaut para court logot koishe ke, BMC laga action toh illegal ase aro civic body ke direct korikena ghor beya kora nemite Rs 2 crore thiboli koishe.